Шумски фенери е основан во 1988 од мојот татко, Панде Мушуланов, и веќе 34 години е едно од обележјата на Битола. Шумски фенери прерасна во семеен бизнис кој успешно ја негува семејната традиција и атмосфера. И токму ова е она што го прави Шумски фенери посебен. Традиционално, семејството го служи појадокот кој е збогатен со домашни традиционално македонски јадења и додатоци како планински мед, домашен цем, малиџано, и се грижиме секој од нашите гости да се чувствува како дома.
Хотелот располага со сопствен паркинг, летна тераса и 17 приватни соби кои се погодни за семејства, групи. Во 2013 година собите се целосно реновирани.
Сместен во с. Трново, на само 4 км од Битола и 25 км од грчката граница, во подножјето на Баба планина и во близина на националниот парк Пелистер, Шумски фенери е одличен за релаксиран одмор во природа.